LA UNION – Nagdesisyon iti Philhealth nga ibaba iti singasing da a budget nga usaren para iti maika-30 a tawen nga anibersaryo da iti sumaruno a tawen.
Daytoy ket kalpasan a nababalaw ti immuna a gakat da a budget a P137.7 million budget.
Iti panagdengngeg ti House Committee on Good Government and Public Accountability inukag ni House Assistant Majority Leader Mika Suansing ti nasao a pondo a naiwaras ti breakdown na iti social media.
Ngem dita metten a kinumpirma ni Renato Limsiaco, Senior Vice Pres. ti Philhealth, a manipud iti P137 million ket imbaba da iti P48.5 million iti budget para iti anibersaryo dagitoy.
Siniguro met ni Philhealth President ken CEO Emmanuel Ledesma, nga iti “future event” ket agbalin dan a naannad ken agsalimetmet da iti pondo.
