Intampok ti Pilipinas iti nadumaduma a lokal nga kape iti 2026 World Specialty Coffee Exhibition ti Specialty Coffee Association of Japan (SCAJ) a naangay idiay Tokyo, Japan.
Naiparang kadagiti bisita iti Arabica, Robusta, Excelsa, ken Liberica, kas iti Barako, Mt. Apo coffee, ken dagiti beans manipud Benguet, Sagada, Bukidnon, ken Mindanao.
Segun kadagiti organizer, tarigagay ti pannakipaset da a mapalawa iti panakipaam-ammo ti Philippine specialty coffee idiay Japan ken makabukel ti ad-adu nga oportunidad para kadagiti lokal a mannalon ken negosyo.
Nupay naayatan dagiti Japanese coffee drinker iti sam-it, aroma, ken nalinis nga aftertaste ti lokal a kape, agtaltalinaed a karit iti limitado a produksyon ti Pilipinas nu idilig iti konsumo daitoy.
Namnamaen a maitampok met iti Philippine specialty coffee iti International Horticultural Expo idiay Yokohama, Japan, a mangrugi inton Marso 2027.
