Nagpakdaar ti Philippine Consulate idiay Hong Kong maipapan iti posible a peggad ti surrogacy job.
Segun ti Konsulado, saan a makadawat ti tulong manipud kadagiti lokal nga otoridad dagiti Filipino surrogate mothers a simrek iti pagilian babaen ti tourist visa no inikkat isuda dagiti handlers.
Saan met a isuda a matulungan dagiti Hong Kong authorities no naiparegreg iti sikogda.
Mainaig ditoy, pinaregta ti Philippine Consulate dagiti Pilipina nga imbes a makigaksang-gasat kas surrogate mother, ket agbirok laengen ti trabaho babaen dagiti lisensyado a Philippine Recruitment Agencies ken sumurot kadagiti amin a pre-departure requirements.###
