Pinapigsa ti Philippine National Police (PNP) iti police visibility ken panagpatrolya kadagiti lugar a manamnama a pagdupodopan ti publiko ita a ‘Ber’ months.
Segun kenni PNP chief Gen. Jose Melencio C. Nartatez Jr., binilin na dagiti police units iti sapasap a pagilian nga irutan iti panagbantay kadagiti commercial establishment, transport terminal, merkado ken dadduma pay a pampapubliko a lugar.
Panggep daytoy a malapdan dagiti krimen ken masigurado iti natalged ken nakappia nga holiday season bayat a manamnama iti panagngato dagiti aktibidad iti panaggatang, panagbiahe, ken panagtitipon.
Inallukoy met ni Nartatez iti publiko nga agbalin a nasiput kontra iti panagtakaw, robbery, scam, ken dadduma pay a krimen a mabalin a manggundaway iti panagado dagiti aggatang, cash transactions ken biyahero.
Mabalakadan iti publiko nga annadan dagiti gamitda, liklikan a mangibinglay ti real-time location online ken dagos nga i-report iti pulisya dagiti mapagduduaan nga aramid.###
