Nakasaganda iti Philippine National Police (PNP) para iti seguridad ken kinaurnos ita nga aldaw, Setiembre 21, iti panaglagip iti maika-54 nga anibersario ti deklarasion ti Martial Law.
Segun iti report, adda ti 17,018 personnel iti naideploy kadagiti nadumaduma a lugar tapno masigurado iti police visibility ken dagos a panagresponde kadagiti lugar a pakaisayangkatan dagiti tignay-protesta.
Karaman iti deployment ti 8,553 NCRPO personnel, kameng ti Regional Support Units ken nadumaduma pay a Police Regional Offices, karaman ti Reactionary Standby Support Force ken Philippine Coast Guard.
Segun kenni PNP Chief General Jose Melencio Nartatez Jr., nabilin dagiti pulis nga ipangruna iti maximum tolerance, umno a panagdesision ken propesionalismo bayat a pagtaltalinaeden iti talna ken kinatalged ti publiko.
Nagpanawagan met iti PNP kadagiti dumar-ay kadagiti rally a pagtalinaeden a nakappia ken naurnos dagiti aktibidad ken raemen dagiti agraraira a linteg ken ordinansa.###
