Agsagsagana ti Philippine Ports Authority (PPA) para iti posible a panagadu ti pasahero ita a ber months, nangruna kalpasan a nataktak ken nakansela dagiti sumagmamano a biahe gapu iti dakes a panawen, segun kenni PPA Spokesperson Eunice Samonte.
Naingato ti seguridad dagiti puerto, agraman ti naing-inget a panangsiput kadagiti access points, 24/7 a panangmonitor iti CCTV ken regular a panagpatrolia ti Port Police.
Mapapigsa pay ti koordinasion iti Philippine Coast Guard ken dadduma pay nga ahensia para iti alisto a panagresponde kadagiti pakaseknan iti seguridad.
Agtultuloy met ti panagsagana ti port police, agraman ti panangsanay kadagiti K9 units, bayat a mapapigsa iti koordinasion kadagiti shipping lines tapno naannayas ti panagayus dagiti pasahero bayat ti manamnama a peak travel periods.###
