Nagpakdaar ti Philippine Postal Corporation (PHLPost) kontra iti agwarwaras a peke a text messages wenno “smishing” a mangar-aramat iti nagan ti ahensia tapno maala iti personal ken pinansial nga impormasion ti publiko.
Segun iti PHLPost, kadawyan nga adda ti pasurot na a mapagduduan a link dagiti mensahe ken maibagbaga nga adda ti problema iti delivery ti parcel gapu iti kurang nga address, wenno kasapulan nga agbayad ti “redelivery fee” babaen ti credit wenno debit card.
Nainget nga inlawlawag ti ahensia a saan da nga agipatpatulod ti kastoy a mensahe ken saan nga agkidkiddaw ti sensitibo nga impormasion kasi ti bank account wenno card details, passwords ken One-Time Passwords (OTPs) babaen laeng ti text.
Mabalakadan iti publiko a saan nga i-click dagiti mapagduaduaan a links, mangited ti banking information, wenno agbayad kadagiti saan a beripikado a websites.
Para iti parcel tracking ken verification, usaren laeng iti opisial a website ken otorisado a channels ti PHLPost. Maallukoy met iti publiko a sukimaten pay nga umuna iti naggapuan ti aniaman a text, email wenno social media massage sakbay nga aggunay.###
