Inikkaten ti Philippine Institute of Volcanology and Seismology (PHIVOLCS) iti tsunami advisory kalpasan ti magnitude 6.5 a ginggined iti kabaybayan a sakop ti Balut Island, Davao Occidental.
Segun ti PHIVOLCS, awan iti nairekord a karkarna a panagbalbaliw iti lebel ti baybay iti uneg ti tallo nga oras kalpasan ti ginggined ken awan ti naawatda a report ti karkarna a panagngato wenno panagbaba ti danom-baybay.
Gapu iti daytoy, nakansela iti naipaulog a tsunami information para idiay Sarangani, Davao Occidental, ken General Santos City.###
