Nagpalagip ti Provincial Heat Office kadagiti taga-La Union nga agannad manipud iti panangatake ti heat stroke lalo ita a panawen ti kalgaw.
Kinuna ni Provincial Health Office 1 Dr. Roldolfo Tongson, gapu iti nakaro a kinabara iti panawen iti agdama ket posible nga umatake ti heat stroke.
Tapno maliklikan daytoy sigun kenni Dr. Tongson, kasapulan nga iminum iti adu a danum tapno saan a ma-dehydrate ti bagi, mangan kadagiti taraon a mangpapigsa ti resistansya, ken liklikan nga ag-uper iti darang ti init.
Imbalakad pay ti doktor a kasapulan met nga agpakonsulta kadagiti klinika no makarikna dagiti abnormalidad iti bagi no daytoy ket gapuanan iti nabara unay a panawen.
