LA UNION – Iti maikadwa nga aldaw a pannakaiyemplementar ti Modified Enhanced Community Quarantine (MGCQ) ditoy probinsiyha ti La Union idi kalman, nadlawan nga atiddog latta ti pila dagiti commuters iti drop off/pick up point iti Brgy. Sevilla, San Fernando City.
Iti pannakiuman ti Bombo Radyo La Union kenni City Safety Officer Amor Munar, kinuna na nga at-atiddog manen ti pila idi Lunes kumpara idi kalman, kalpasan a nag-shift iti MGCQ manipud GCQ iti probinsiya, gapwanan pay laeng iti COVID 19 pandemic.
Napalukayan ngaminen iti sumagmamano nga allagaden iti MGCQ kas koma iti pannakaipalubos kadagiti senior citizens ken agtutubo a makabiyahe nga addaan ti balido a rason.
Siniguro met ni Munar a manayunan pay dagiti bus nga agbiyahe ditoy probinsiya tapno ma-akomodar amin a pasahero.
Kaadwan kunana a commuters ket dagiti empleyado iti gobyerno ken pribado a sektor a nagsubli metten iti trabaho.
