LA UNION – Maipagarop a nakasaganan dagiti pilgrim sites ken historical churches ditoy La Union para iti manamnama a panagturong dagiti deboto ita a semana santa.
Iti interview ti Bombo Radyo La Union kenni Provincial Information and Tourism Officer Adamor Dagang, kinuna na a naki-koordinar da iti amin a local government units ken parish pastoral council iti intero a probinsiya tapno siguradwen iti seguridad dagiti pilgrims nga agturong kadagiti pilgrim sites ken old churches.
Kabilang kunana ditoy iti Basilica Minore of Our Lady of Charity wenno Agoo Basilica idiay ili ti Agoo; Our lady of Namacpacan idiay ili ti Luna; Shrine of Nuestra Señora del Mar Cautiva idiay ili ti Santo Tomas ken old churches idiay ili ti Bauang, Bacnotan, ken Bangar.
Kabayatanna, kinuna ni Dagang a dandani mapunnon kadagiti turista dagiti hotel nangruna idiay ili ti San Juan a namnamaen a mangisayangkat ti adu nga aktibidad ita a semana santa.
