Inpaganetget ti Department of National Defense (DND) nga agtultuloy iti panangidepensada iti karbengan ken territorial integrity ti Pilipinas iti West Philippine Sea kas panglaglagip iti maika-10 nga anibersario ti 2016 Arbitral Award.
Segun kenni Defence Secretary Gilberto Teodoro Jr., napateg ti nasao a desision gapu ta binigbigna daytoy iti karbengan ti pagilian iti Exclusive Economic Zone (EEZ).
Impaganetgetna a lumawlawa ti pannakaammo ken suporta dagiti Pilipino iti panangidepensa ti West Philippine Sea.
Kinuna ni Teodoro nga agtultuloy a papigsaen ti DND ken Armed Forces of the Philippines (AFP) iti kabaelan ti pagilian iti depensa bayat iti panangsaluad dagiti panagballigi iti seguridad.
Innayonna nga agtalinaed a nakapamaysa ti Pilipinas iti panangitandudo ti internasional a linteg, partikular ti 1982 United Nations Convention on the Law of the Sea (UNCLOS), ken saan nga ipalubos a mapukaw iti karbengan ti pagilian iti West Philippine Sea.###
