BR LA UNION – Maika-10 iti Pilipinas kadagiti pagilian a kangrunaan nga apektado ti extreme weather events iti napalabas a 30 tawen.
Daytoy ti rimuar iti 2025 Climate Risk Index report (CRI) ti non-profit organization a Germanwatch.
Nakailanad iti nasao a report nu kasatnu a naduprak iti Pilipinas ti adu a bagyo tunggal tawen, iti baetan ti tawen 1993 agingga 2022 ket adda pakabuklan a 372 extreme weather events iti napasaran ti pagilian ken nangibati ti $34 billion a perdisyon iti uneg ti 30 a tawen.
Nadakamat pay iti report iti Typhoon Haiyan wenno iti local name a Super Typhoon Yolanda, a maibilang kas most destructive typhoon a nangigubway ti pakabuklan a $13 billion a perdisyon ken nakatayan ti 7,000 a tattao.
Iti umun-una a pagilian iti listaan a nakau a naapektaran ti extreme weather events ket iti Dominica, China ken Honduras bayat nga adda iti maikapat a puwesto iti Myanmar, maik-lima iti Italy.
Sumuno iti India, Greece, Spain ken Vanuatu.
