Opisial a nagbalin a maika-71 a kameng ti Coalition for Disaster Resilient Infrastructure (CDRI) iti Pilipinas kalpasan a makitaripnong ni Presidente Ferdinand R. Marcos Jr. kadagiti opisial ti grupo idiay New Delhi, India, idi Setiembre 12.
Segun iti Presidential Communications Office, ti Pilipinas iti maikadua a pagilian iti Southeast Asia a nakikadua iti koalision, kasaruno ti Vietnam.
Kas maysa a miembro, magunggonaan iti pagilian ti teknikal a suporta, pannakaammo ken kasayaatan nga aramid dagiti dadduma a miembro para iti pannakaibangon dagiti natibtibker a kalsada, rangtay, sangladan ken dadduma pay nga imprastruktura kontra kadagiti didigra ken panagbalbaliw ti klima. Makatulong met daytoy iti pannakagun-od iti financing para iti disaster-resilient projects.
Inyusuat ti India iti CDRI idi 2019 kas sangalubongan a panagkadua tapno mapapigsa iti kinaandur ti imprastruktura.
Segun kenni PCO Acting Secretary Dave Gomez, napateg iti panagbalin a miembro ti Pilipinas gapu iti dumakdakkel a pangta ti panagbalbaliw ti klima ditoy pagilian.###
