Mangipatulod ti Pilipinas ti 20 nga atleta para iti 2025 Asian Winter Games idiay Harbin, China ita a Pebrero.
Segun iti Philippine Olympic Committee, ti pagilian ket makisalip ti innem kadagiti 11 a sports ti Harbin games.
Addaan met ti Curling Winter Sports Association of the Philippines wennno Curling Pilipinas kadagiti sangapulo nga atleta para iti bunggoy da.
Ti intero a delegasyon, agraman ti opisyales ket buklen da Marc Angelo Pfister, Enrico Gabriel Pfister, Christian Patrick Haller, Alan Beat Frei, Jessica Pfister, Benjo Delarmente, Kathleen Dubberstein, Leilani Dubberstein, Sheila Mariano ken Anne Marie Bonache.
Figure skaters manipud Philippine Skating Union, pakairamanan ni Paolo Borromeo, Sofia Frank, Cathryn Limketkai, ken ti pares nga isuda Isabella Gamez ken newly-naturalized Aleksandr Korovin ket maipatulod met iti Asian Winter Games.
Kabayatanna, ni Peter Groseclose, ket makisalip iti short track speed skating.
Iti met Philippine Ski and Snowboarding Association ket ipatulod ni Francis Ceccarelli ken Talullah Proulx para iti alpine skiing, Laetaz Amihan Rabe para iti freestyle skiing, ken Adrian Tongco para iti snowboarding.
Kinuna ni Abraham “Bambol” Tolentino a ti Asian Winter Games ket maysa a gundaway tapno magun-od ti pagilian ti umuna a Winter Olympics medal.
Ni Richard Lim iti chef de mission para iti Team Philippines; Daitoy nga Asian Winter Games ket maangay manipud Pebrero 7 agingga 14 idiay Harbin, China.
