Impadamag ti Philippine Embassy idiay Warsaw a natalged ken accpunted dagiti amin a Pilipino idiay Ukraine kasaruno ti kabaruan a missile ken drone strike ti Russia idiay Kyiv a nakatayan dagiti uppat a tattao ken nakadangran dagiti agarup 100 nga indibidual.
Agtultuloy iti panangmonitor ti embahada iti kasasaad dagiti babassit a komunidad dagiti Filipino idiay Kyiv ken dadduma pay a siudad ti Ukraine.
Nangrugi iti Russia ti nagsasaruno a panangraut idi Sabado, Mayo 23, babaen ti panangusar kadagiti drone ken hypersonic Oreshnik intermediate-range ballistic missiles.
Dinadaelda dagiti dinosena a pagtaengan, eskuelaan, merkado, ken maysa a museo idiay Kyiv.
Pinasingkedan ni Ukraine President Volodymyr Zelensky a saan a nalappedan iti amin a ballistic missile ken kaaduan ket timmaba iti kabesera.
Kabayatanna, kinuna ti Russian Defence Ministry a ti panangraut ket kas panagibales iti maipagarup a panangbomba ti Ukraine kadagiti pasilidad dagiti sibilian iti uneg ti Russia, banad nayat inlibak ti Ukraine.###
