BR LA UNION – Nalasatan ni Carl Jammes Martin iti maibilang a nainget a pannubok iti career na kalpasan a nangabak kenni sigud a world title challenger Aran Dipaen ti Thailand, kas undercard iti Thrilla In Manila 50th anniversary.
Iti umuna a rikos ket kontrolado ti 26-anyos a ni Martin agingga a nakakita ti gundaway iti Thai boxer ket napatumba na ni Martin.
Ngem napaspas a nakabangon ni Martin ket sadiay a pinaramanan na ti nagsasaruno a danog iti kalabnan.
Agpada dagiti dua a boksingero nga awan ti agpa-abak agingga a nalpas iti 10 rounds.
Amin dagiti tallo a judges ket pimmabor kenni Martin tapno maala ti majority decision.
Addaan itan ti 27 a panangabak ken awan pay abak na, ken 20 knockouts ni Martin bayat a ni Dipaen ket addaan ti 21 a panangabak ken lima nga abak ken 18 KO.
