Kinuwestiyon ti House prosecution panel no kasano nga epektibo a makasali kas senator-judge ni Senador Jinggoy Estrada iti impeachment trial ni Bise Presidente Sara Duterte no saan man daytoy a pisikal a makadar-ay.
Daytoy iti inbaga da House Prosecutor Joel Chua ken trial spokesperson Renee Co iti panangiyusuat ti “Bantay Impeachment” idiay Claret School, Quezon City.
Segun kenni Chua, napateg a present iti maysa a senator-judge tapno makita iti tignay dagiti testigo ken masukimat no agibagbaga dagitoy ti pudno wenno saan.
Inlawlawag met ni Rep. Co nga awan ti panagbalbaliw kadagiti pagalagadan ti Senado, isu a manamdama nga adda ti limitasyon iti partisipasion ni Estrada gapu ti preventive suspension na.
Impaganetget ni Co a sabali latta iti kalidad ti pangeddeng no sisasango a makitkita iti taray ti panagusing maiyarig iti online wenno adayo laeng.
Kabayatanna, awan pay ti nalawag a desisyon ti Senado no sino iti tumakder a Presiding Officer wenno lider ti impeachment court.
Manamnama a maamwan daytoy iti panagrugi ti panagusig inton Hulyo 6, no sadino sangwen ni VP Duterte dagiti reklamo maipapan iti confidential funds, unexplained wealth, bribery, ken panangipangta kadagiti opisial.###
