Inwaragawag ni Philippine National Police (PNP) chief Gen. Jose Melencio Nartatez Jr. nga awan ti beripikado nga impormasion a mangipakpakita ti seryoso ken asideg a pangta ti kudeta wenno panagaklas a suportado ti militar kontra kenni Presidente Ferdinand Marcos Jr.
Nupay kasta, pagtalinaaden ti national police iti nangato a lebel ti panagalertoda.
Kenunana, awan ti nakita a basaran tapno maalarma iti publiko iti maipagarup a gandat a panangpatakyas iti Presidente.
Gapu ti kinaawan ti konkreto nga ebidensiya, ibilang ti PNP dagiti maipagarup a pangta kas “rumors” wenno tsismis.
Inaramid ti PNP Chief iti waragawag kalpasan nga imbaga ni Senate President Pro Tempore Panfilo Lacson nga adda dagiti sumagmamano a retired military officer iti manggangandat nga agrecruit dagiti miembro ti uniformed service.
Laksid daytoy, tinakderan ni Gen. Nartatez nga iti kinapudnoda ket iti Konstitusion ken iti umili a Pilipino, saan nga iti aniaman a political faction. Agtalinaedda met a propesional ken nakapamaysa iti mandato a manglaban iti krimen.
Innayon pay ti heneral nga agpada nga agtaltalinaed a committed iti pulisya ken militar iti chain of command ken iti kinatibker ti administrasion.###
