LA UNION – Nairut a pab-pabantayan ni PNP Chief Director General Oscar Albayalde iti liderato ti Police Regional Office One (PRO-1) dagiti lugar nga adda iti sidong ti red category wenno lugar a posible a pakapasamakan iti election-related incidents iti panawen ti eleksiyon.
Iti panagbisita na ditoy La Union,kinumpirma na nga adda iti dua a lugar wenno ili ditoy La Union nga adda iti sidong ti red category maipapan iti eleksiyon inton Mayo.
Ngem siniguro ti opisyal nga adda ar-aramiden a pro active measures vs risk factors iti amin a unit force iti ground ken nakasagana iti police headquarters a mangipaay ti tulong nu kasapolan.
Nupay saanen a dinakamat ni Albayalde dagit dua a lugar ditoy La Union, maipalagipp a dua nga opisyal manipud idiay ili ti Sudipen ken Balaoan a maminsan koma manen nga agpaibotos iti local position iti naudi a biktima ti pammapatay ditoy probinsiya.
Kabayatanna, iti red category para iti PNP ket mangdak-dakamat a ti maysa a lugar ket posible a pakapasamakan iti kinadamsak wenno adda iti election-related incidents, ken ground tapno ipasidong iti Comelec control.
Innayon na pay a mas tutukan dagiti otoridad dagiti lugar nga adda iti red category.
Maipalagip a kadwa ti PNP iti Comelec ken AFP a nang-identify ken nang-classify dagiti election hotspots iti uppat a kategorya.
Malaksid iti red category nga isuti kangatuan ken maibilang a kadelikaduan, iti green category ket dagiti lugar nga awan ti security concern, wenno natalna ken nakapya.
Iti yellow category ket lugar nga addaan ti history iti election-related violence wenno adda mapas-pasamak nga intense partisan political rivalry.
Iti met orange category ket areas a maipada iti risk factors iti yellow category, malaksid pay nga adda iti seryoso a pangta manipud kadagiti kabusor ti gobyerno wenno local terror groups.
