Binilin ni Philippine National Police Chief General Jose Melencio Nartatez Jr. dagiti lokal a pulis nga agbalin nga strikto iti monitoring da kadagiti retailers tapno maliklikan ti hoarding ken manipulasyon ti presyo ti produkto kabayatan iti isyu ti enerhiya.
Adda itan ti koordinasyon ti kapulisan kadagiti lokal a gobierno ken maseknan nga ahensya para kadagiti addang kontra hoarding ken profiteering.
Maibasar iti datos manipud Department of Energy (DOE), ti liquefied petroleum gas (LPG) iti addaan ti kababaan ti supply nu iyarig iti gasolina ken diesel.
Mapatta-patta nga agpaut laengen daitoy ti 24 nga aldaw, pakairamanan payen dagiti umay a deliveries.
Adda met iti nagbaetan ti ₱825 agingga nasurok ₱1,000 ti presyo iti LPG tunggal regular a tangke idiay Metro Manila ita a Marso.
Impasiguro ni Nartatez nga awan iti rason nga ag-panic ken impaganetget nga agtultuloy ti addang ti gobierno bayat ti nainget a panagbantay ti Philippine National Police para ti proteksyon dagiti consumers.
