LA UNION – Dagus a nangdutok iti liderato ti Philippine National Police (PNP) ti baro a Regional Director iti Police Regional Office (PRO) 1 a nakabase ditoy Fernando City, La Union.
Daytoy ket iti kinatao ni Brigadier General Rodolfo Azurin Jr. kasukat ni Brigadier General Joel Orduña a nakatuding nga agretiro inton Mayo 11, 2020.
Manamnama a maisayangkat ti turnover ceremony ita met laeng nga aldaw iti PRO-1 grounds ti Camp Brig. Gen Oscar M. Florendo, San Fernando City, La Union.
Dagus nga inaprubaran iti baro nga appointment ni General Azurin agsipudta napateg iti akmen a papel dagiti otoridad iti pananglaban iti COVID 19.
Ni Azurin ket director ti PNP Maritime Group (MARIG) sakbay a nadutukan a Police Regional Director iti rehiyon uno.
Ni met PBGen. Orduña ket nadutukan a Regional Director idi April 25, 2019 ngem immuna a nagserbi kas hepe iti PNP Aviation Security Group.
