Inpasidong ti Philippine National Police (PNP) iti heightened alert dagiti amin a personnel idiay Mindanao kalpasan ti magnitude 7.8 a ginggined idiay Sarangani idi kalman, Hunyo 8.
Daytoy ket tapno makaipaay ti tulong iti PNP iti evacuation, seguridad dagiti kritikal nga imprastraktura, ken relief operations kadagiti apektado a lugar idiay Mindanao.
Agtultuloy met a makikokoordinar ti pulisya iti Office of Civil Defense (OCD), National Disaster Risk Reduction and Management Council (NDRRMC), ken dagiti lokal a gobierno tapno mapapigsa iti koordinasion ken dagos a panagresponde kadagiti agkasapulan idiay Mindanao.
Kabayatanna, inallukoy ti PNP iti publiko a suruten iti evacuation instructions ken unaen iti kinatalged, bayat nga agtultuloy iti monitoring iti sitwasyon idiay Mindanao.###
Photo Courtesy: PNP Police Regional Office 11
