Impasigurado ti Philippine National Police (PNP) a papigsaenda iti seguridad ti intero a pagilian, kagiddan ti pannakarambak ti Eid al-Fitr ita nga aldaw ti Sabado, Marso 21.
Segun kenni PNP Chief Police General Jose Melencio C. Nartatez Jr., adda ti maideploy a pulis kadagiti mosque, lugar ti pagkararagan, ken komunidad dagiti Muslim tapno masigurado iti kinatalged ti publiko.
Kenuna pay ti PNP a ti Eid al-Fitr iti panagpatingga ti Ramadan, iti nasantuan a bulan ti panagayuno para kadagiti Muslim. Naideklara iti petsa kalpasan a saan a nakita iti bulan idi kalman, Marso 20.
Naiwaras dagiti nasurok-kumurang 55,000 a pulis tapno masigurado iti seguridad, saan laeng a kabayatan ti Eid al-Fitr no di ket pati pay iti masungad nga Holy Week ken summer vacation.
Adda met dagiti naisagana a plano iti PNP para iti traffic ken crowd management, nangruna iti aglawlaw dagiti dadakkel a mosque, bayat a nakasagana dagiti quick response team ken medical units para iti aniaman nga insidente.
Makikoordinar met iti PNP kadagiti lokal a gobierno ken lider ti komunidad tapno masigurado ti naannayas ken natalna a selebrasion.
Nangidanon met ti kablaaw iti PNP kadagiti Muslim: “Eid Mubarak!”.###
