LA UNION – Nagpaayab ti press conference iti Police Regional Office-One (PRO-1) a dinar-ayan ti naduma-duma a media entities a pakairamanan ti Bombo Radyo La Union, tapno kiddawen ti tulong dagitoy ken lalo pay a mapapigsa ti kampanya kontra iligal a sugal.
Kiniddaw pay ni PBGen. Joel S. Orduña, Police Region-1 Director, iti pannakitinnulong dagiti umili babaen iti panangipatulod ti mensahe iti mobile phone, a direkta a maawat ti opisyal.
Kabilang iti dinakamat na a numero a mabalin a pangipatulodan iti report nu adda iti makita nga agsusugal iti lokalidad ket iti numero a 0918 925 1756.
Dinakamat pay ni Orduña a dagiti kangrunaan a maar-aramid a sugal ditoy Region One ket mahjong, tong it, pusoy dos, ken lucky 9.
Nupay kasta, maibasar iti datus ti pulisiya ket bimmaba ti nailista a kaso ti illegal gambling, manipud Enero uno agingga Pebrero 5 ita a tawen.
Iti nasao a period, idiay probinsiya ti Pangasinan ket nakaisayangkat dagiti pulis iti 77 operations; 188 arrested gamblers ; ken 69 a tattao ti nakaswan iti korteDitoy La Union, adda iti 28 a naisayangkat nga anti illegal gambling operations a nakaarestaran iti 91 ngem 23 laeng dagiti nakaswan.
Idiay Ilocos Sur, innem iti naiganwat nga operasyon, 21 dagiti arrested gamblers, 6 dagiti nakaswan.
Bayat nga idiay Ilocos Norte ket 4 iti naipatungpal nga operasyon, 18 arrested gamblers ken 4 laeng ti nakaswan iti panaglabsing iti P.D. No. 1602 wenno illegal gambling.
