LA UNION – Nakasaganan dagiti otoridad ditoy syudad ti San Fernando para iti implementasyon ti Number Coding kadagiti private vehicle, a mangrugi inton Martes, Disyembre uno.
Daytoy iti kinumpirma ni PLt Col. Orly Pagaduan, agdama a hepe ti pulisiya ditoy syudad, kabayatan ti interview ti Bombo Radyo La Union.
Kas met laeng kunana iti maipatpatungpal a number coding idiay Baguio City ken Manila, masurot iti kapada a sistema kas iti
Lunes ket maipatungpal iti (1,2) ; Martes (3,4); Miyerkoles (5,6); Huwebes (7,8); ken Biyernes (9,0).
Daytoy ket para laeng kadagiti pribado a behikulo agraman dagiti motorsiklo.
Kabayatanna, aminado ni Pagaduan, dackel ita ti nagdumaan ti selebrasyon ti paskua iti tengnga ti pandemya.
Kinuna na a kas iti immunan a naipaulog a direktiba, maipawil iti christmas party, awan iti ag-carol, ngem lalo pay a mairutan dagiti maipatpatungpal a linteg a mangipawil iti panagu-ummong dagiti tattao, ken makatulong iti pananglaban ti panagwaras ti sakit a Covid 19.
Kabilang ditoy iti police checkpoint ken police visibility iti amin a lugar ditoy syudad.
