LA UNION – Nabilin iti Regional Investigation and Detective Management Division ti Police Regional Office-1 a mangisayangkat ti case review iti drug case ni Julian Roberto Stone Ongpin.
Daytoy ket kalpasan nga imbasura ti Regional Trial Court, Branch 27 ditoy syudad ti San Fernando, La Union base iti dokumento a napetsaan ti November 15, 2021 gaputi gaputi lack of probable cause iti panangiyisyu ti warant of arrest relative to non compliance, kas nakailanad iti Section 21 ti RA 9165.
Kagiddan daytoy, maki-koordinar ti Police Regional Office wenno PRO-1 babaen ti Regional Legal Service iti Department of Justice, para iti plano a panangidatag ti Motion for Reconsideration, kalpasan a naibasura iti kaso nga adda pakainaigan na iti iligal a droga kontra kenni Ongpin.
Maipalagip nga iti panagresponde dagiti kameng ti San Juan Police Station iti Flotsam and Jetsam Hostel idiay San Juan, La Union gaputi naipadamag a pannakatay ni visual artist Bree Jonson, nakarekober dagiti otoridad iti aganay 12.6 grams ti maipagarop a cocaine idi September 18, 2021.
Ni Ongpin ket anak iti prominente a negosyante ditoy pagilian ken sigud a trade secretary Roberto Ongpin.
