LA UNION – Binalakadan ni Pope Francis ni sigud a Senate President Juan Miguel “Migz” Zubiri a ‘protect the family’.
Nagturong ti sigud a Senate President idiay Vatican idi Hunyo 5, tapno agbakasyon manipud pulitika ken mangilatang ti sumagmamano nga oras kadwa ti pamilya na.
Inyam-ammo ni Zubiri iti Santo Papa iti pamilya na ken immawat dagitoy ti bendisyon manipud iti 87-anyos a pontiff.
Iti panagina na ket kasaruno ti pannaka-ikkat na kas Presidente ti senado kalpasan a nakagun-od ti ni Zubiri iti botos a 15 manipud iti 24 a senador.
Iti waragawag na idi kalman, Domingo, imbinglay ni Zubiri iti balakad ti Santo Papa kenkuana, kalpasan nga inlawlawag na a maysa isuna a “pro-life and pro-family legislator” manipud Pilipinas.
Imbaga ti senador a nupay silulukat iti diskusyon, agtaltalinaed a sibubukel ti pammati na iti bileg ti kasar.
Kinunana pay nga ingkararaganna ti pagilian ken para kadagiti lider tapno kanayon nga ag-reflect ken agaramid ti umno.
Kinunana a sipupuso nga agtulnog iti nagbalin a balakad kenkuana ti Santo Papa.
