BR LA UNION – Binalakadan dagiti doctor ni Pope Francis nga aginana pay ti dua a kanayunan a bulan tapno naan-anay a makarekober ken maimbagan ti bagi na .
Balakad daytoy dagiti doktor na, sakbay da a pinalubosan a rumwaren ti Santo Papa idiay Gemelli hospital idi Domingo ken nakasubli metten idiay Vatican kalpasan ti 38 nga aldaw a panagpa-agas na iti ospital idiay Rome.
Gaputi dayta, saan pay a sigurado dagiti devotees nu regular dan a makita iti publiko iti 88-anyos a Santo Papa.
Manipud rimwar iti Gemelli hospital, nag diretso daytoy idiay Casa Santa Marta, maysa a bassit a pasdek idiay Vatican a nagserbi a balay na sipud nagtugaw a Santo Papa idi 2013.
Iti nasao a pasilidad ket pagtaengan laeng dagiti padi nga agtrab-trabaho idiay Vatican ken nagbalin nga istrikto iti panagpa-serrek kadagiti bisita ditoy.
Saan met a sigurado ti Vatican nu matuloy iti personal a pannakitaripnong ti Santo Papa kenni King Charles inton Abril 8 ken inton Abril 20 nu idaulwanna iti tinawen nga Easter celebration.
