Nagpanawagan ni Pope Leo XIV a gibusenen ti kinaranggas idiay Yemen, dua a lawas kalpasan ti pannakaoperana iti bara.
Segun iti Santo Papa, karaman kadagiti kangrunaan a pakaseknanna ket ti humanitarian crisis iti siudad ti Taiz iti abagatan a laud a paset ti Yemen, nu sadino nga agsagsagaba dagiti umili ti kinarigat gapu iti kinakurang ti taraon, nadalus a danum, ken medikal a serbisio.
Nagapela pay daytoy nga isardengen ti panaglalaban tapno agbiag a sitatalna dagiti umili iti Yemen ken dadduma pay a paset ti rehion.
Kabayatanna, inkararaganna met dagiti natay ken nadundunor iti mapapati a panangraut dagiti terorista iti Hamound Church sadiay Jordan idi Biernes.
Malagip a naopera ti Santo papa idi Oktubre 13, nu sadino a naikkat ti makinbaba a paset ti makinkannawanna a bara kalpasan a nadayagnos nga addaan iti adenocarcinoma, maysa a kita ti kanser ti bara.
Segun kadagiti doktor, saanen a kasapulan ti kananyunan a therapy gapu ta saan a nagwaras iti dadduma a paset ti bagina ti tumor.
