Naminsan manen nga immapela ni Pope Leo XIV kadagiti lider dagiti pagilian idiay Middle East a maaddaanda ti dialogo tapno agpatinggan iti riribuk.
Segun ti Santo Papa, rumbeng a panunuten dagiti responsable iti riribuk iti saan a nasayaat a pagbanagan ti gubat.
Nasken met a maaddaan ti ceasefire ken sarunuen dagus ti dialogo tapno awanen ti madadael a biag.
Inyarig ti Santo Papa iti napasamak a gubat idiay Lebanon a nakapukawan ti ado biag ken nakadadaelan dagiti ado a sanikua.
Maipalagip a manon a daras a nagpanawagan iti Santo Papa kadagiti lider ti Israel, Estados Unidos, ken Iran nga isardengen iti laban gapu ti umad-ado a bilang dagiti maap-apektaran a pagilian.###
