Indaulwan ni Pope Leo XIV iti Chrism Mass idi Huwebes Santo, Abril 2, idiay St. Peter’s Basilica idiay Vatican.
Ti Chrism Mass ket maysa nga espesyal a misa bayat ti Nasantuan a Lawas, a pakabendisyunan dagiti nasantuan a lana a mausar kadagiti sakramento iti intero a tawen.
Ditoy pay a pabaruen dagiti papadi ti karida iti bokasyon iti sanguanan dagiti matalek.
Ginasut nga obispo ken papadi ti timmabuno iti misa, a nangpabaro kadagiti karida idi naordenan dagitoy.
Iti umuna a homilya na para iti Chrism Mass kas Obispo ti Roma, inpaganetget ti Santo Papa ti panangrugi ti Easter Triduum wenno nasantuan a tallo nga aldaw a panglaglagip iti panagsagaba, ipapatay ken panagungar ni Jesus, ti kasagraduan a panawen ti Nasantuan a Lawas.
Sakbay ti Easter Triduum, a nangrugi babaen iti Misa ti Lord’s Supper idi rabii ti Huebes, kinuna ti Sto Papa a ti panagpatingga ti Christian liturgical year ket addaan iti bileg a mangbalbaliw iti kinatangsit ti tao, mangagas kadagiti sugat ken panagkappia ken mangtipon kadatayo.
Pinampanunot pay ti Santo Ama dagiti tallo nga aspeto ti Christian mission: detachment, encounter ken ti posibilidad ti saan a panagkikinnaawatan ken panaglibak.
Kamaudiananna, inallokoy ni Pope Leo XIV dagiti Kristiyano a labanan ti anyaman a buteng bayat ti panangiwaragawag ti ipapatay ken panagungar ni Kristo.
