LA UNION – Dinayyeg ti magnitude 7.4 a gingined iti Port-Vila, Vanuatu ita nga aldaw, maibasar daytoy iti datos ti U.S. Geological Survey.
Segun iti ahensya, aguneg daytoy iti 10 km wenno 6.21 miles.
Kasaruno ti panagdayyeg, naipangato ti tsunami warning iti nasao a lugar ken namnamaen iti aftershocks.
Kinuna met ti Philippine Institute of Volcanology and Seismology, posible iti makaperwisyu a tsunami iti coastal areas nga adda iti uneg ti 300 km manipud iti epicenter ti gingined.
Siniguro ti ahensya a saan a mangigubway daytoy ti maka-perwisyu a tsunami iti anyaman a paset ti pagilian.
Kabayatanna, iti Republic of Vanuatu ket maysa nga isla a nasyon a masarakan iti South Pacific Ocean.
