Mamati ni Bukidnon 2nd District Rep. Jonathan Keith Flores a makompleto ti House Committee on Justice ti probable cause stage ti impeachment kontra kenni Vice President Sara Duterte ita nga Abril.
Segun kenni Flores, nu malpas ti proseso mabalin nga alaen iti plenario inton agsubli ti sesion ti Kongreso.
Agdama nga ikeddeng ti komite no adda umdas a posible a makagapu, kalpasan a paneknekan nga umdas ti porma, substansia, ken nakaibasaran ti reklamo.
Naituding ti pannakadengngeg ti kaso inton Abril 14, 22, ken 29, ngem mabalin a nasapsapa depende iti panagrang-ay ti imbestigasion.
Impaganetget ni Flores a saan pay a bista daytoy no di ket umuna nga imbestigasion tapno matingiting dagiti ebidensia ken saksi.
Maysa kadagiti maeksamen a saksi ket ni Ramil Madriaga a naikonekta iti mapapati nga isyu ti confidential funds.
Timbangen pay laeng ti komite ti kredibilidad ti testimonia daytoy.
Innayon ni Flores, ti panggep ti hearings ket tapno masigurado a dagiti laeng verifiable alegasion ti mairaman kadagiti posible nga articles of impeachment.
