Naisayangkat ti Pre-Disaster Risk Assessment (PDRA) Emergency Meeting idiay Municipal Hall, Caba, La Union babaen ti panangidaulo ti Municipal Disaster Risk Reduction and Management Council (MDRRMC) ti Caba.
Indauluan ni Mayor Donna Crispino ti nasao a taripnong kas MDRRMC Chairman.
Daytoy ket kas panagsagana iti isasangbay ti Bagyo Egay ditoy lokalidad.
Impaganetget ni Mayor Crispino ti kinapateg ti pannakailukat ti Emergency Operations Center isu nga inallokoyna dagiti residente ti Caba nga agbalin nga alerto ken agsagana iti posible nga epekto ti bagyo. Impanamnamana met ti kinatalged ti tunggal maysa ti prayoridad ti lokal a gobierno.
Nakalukat metten ti Municipal Operation Center (OpCen) ken nangisayangkat metten ni LDRRMO Lemuel Sudiacal iti Barangay Monitoring.
