Nakailista iti City DRRM ditoy syudad ti San Fernando City, La Union iti Preemtive evacuees.
Daytoy ket manipud iti Barangay San Agustin, Ilocanos, Carlatan, daytoy ket gaputi napigsa a buyat ti angin ken tudo nga epekto ti Bagyo Egay.
Iti pannakiuman ti Bombo Radyo La Union kenni Julie Ann H. Sias, City DRRM/ LDRRMO IV kinunana nga light to moderate rate iti status ditoy syudad ti San Fernando.
Segun kenni Sias, agtultuloy iti monitoring da kadagiti barangay,ket adda met iti reported flooded manipud Barangay Madayegdeg, Parian, Camansi, Santiago Sur ken Langcuas daytoy ket 6 agingga 24 inches.
Adda met iti natwang wenno natumba a kayo manipud Barangay Tanqui ket maysa a pamilya iti apektado a dagus met laeng a nagbakwit iti kabagyan da.
Innayon ni Sias, 24/7 met a nakabantay ken nakamonitor iti City DRRMO ti sibubukel a syudad ditoy San Fernando agraman dagiti coastal areas tapno maipasigurado nga awan iti aglabsing kadagiti pagannurotan.
Imbatad na pay a nakaipaayen ti City Welfare Department iti family packs para kadagiti nag-preemtive measures agraman dagiti dadduma pay a pagkasapulan da ken adda pay naan-anay a family food packs a nakasagana nu man manayonan dagiti Preemtive evacuees.
Kabayatanna, nagballaag met ni Sias nga agtultuloy nga agmonitor tapno awan iti maapektaran a pamilya, i-check dagiti kanal, isagana dagiti kangrunaan a pagkasapulan,ken agtultuloy a makikommunikar iti tumunggal maysa tapno iti kasta dagus da a maipaayan ti tulong dagiti agkasapulan ken mapatalinaed iti kinatalged tunggal residente.
