LA UNION – Dagus a pinag-tignay ni US President Joe Biden dagiti otoridad tapno imbestigaran ken duktalen ti motibo ti pammaltog kenni sigud a US President Donald Trump.
Imbilin pay ni Pres. Biden iti panang-doble dagiti otoridad iti seguridad ti tunggal political rally a mapas-pasamak idiay US.
Iti laksid a napinget nga agkalaban iti pulitika da Biden ken Trump, ngem adda ti panagkaykaysa nu maipapan iti panangilungalong ti kinakapya ken kinatalna ti pagilian da.
Kabayatanna, nangidanon ti pannaki-simpatiya ni Biden iti pamilya dagiti natay a bikitma ken nasugatan.
Nagpanawagan pay ti Presidente nga italek kadagiti otoridad iti imbestigasyon ken saan nga agiwaras ti negatibo nga impormasyon seknan iti motibo ti suspek.
