BR LA UNION – Target dagiti nangidatag ti petisyon idiay Korte Suprema maipapan iti 2025 national budget a pasardengen iti operasyon ti pagilian, kas paset iti plano dagitoy a destabilisasyon.
Daytoy iti impaganetget ni President Ferdinand Marcos Jr. iti maysa nga interview kenkuana idi kalman idiay Cebu City.
Direkta nga imbaga ni Presidente Marcos nga awan ti sabali a makagapo iti panangkarit ti grupo da sigud nga Executive Secretary Vic Rodriguez idiay Korte Suprema iti 2025 national budget, nu saan a pagsardengen iti operasyon ti gobyerno ken maysa daytoy a gandat a destabilization.
Segun iti presidente, nu saan a pumabor ti desisyon ti korte suprema iti gobyerno mainaig iti ibagbaga dagiti kritiko a blangko nga item iti national budget, awan ti contingency measures ditoy ti gobyerno, nu saan nga irikep ti operasyon.
