Nagtulag ni Presidente Ferdinand Marcos Jr. ken Japanese Prime Minister Sanae Takaichi tapno mapalawa ti kooperasyon ti Pilipinas ken Japan iti nadumaduma a benneg kalpasan ti bilateral meetingda sadiay Manila.
Iti panagkitada, nagsaritaan dagiti dua a lider dagiti rehional nga isyu ken ti pannakapapigsa ti relasion ti dua a pagilian, nangruna iti seguridad, enerhia, ken ekonomia.
Segun kenni Takaichi, tarigagay ti Japan nga ad-adda a papigsaen ti panagtinnulong ti dua a pagilian kas Comprehensive Strategic Partners ken palawaen ti panagtitinnulong para iti kappia ken natalged iti rehion.
Nakipaset met ti Prime Minister iti ASEAN Gala Dinner nga indauluan ni Presidente Marcos, agraman dagiti dadduma pay a lider ken pannakabagi dagiti international nga organisasyon.











