BR LA UNION – Inawagan ni US President Donald Trump a maysa a diktador ni Ukrainian President Volodymyr Zelensky.
Inakusaran pay ni Trump ni Zelensky a nangirugi ti giyera da iti Russia.
Inaramid ni Trump iti nasao a waragawag sumagmamano nga oras kalpasan nga akusaran ni Zelensky iti US President nga inwaras na dagiti biddut nga impormasyon ti Russia.
Impaganetget pay ni Trump a tarigagay na a malpas a dagus ti giyera nga uray mapukaw dagiti teritoryo ti Ukraine.
Inlawlawag met ni Zelensky nga uray kasta iti nagbalin a waragawag ni Trump ket dackel latta ti respeto na ditoy ken nakasagana nga agresponde iti peace deal.
Maipalagip nga idi napan a lawas ket tinawagan ni Trump da Zelensky ken Russian President Vladimir Putin.
