LA UNION – Kimmiddaw ti tulong ni Ukraine President Volodomyr Zelensky kenni President Ferdinand Marcos Jr., nga agpatulod iti mental health workers iti pagilian da.
Iti bilateral meeting da President Marcos ken Zelensky idiay Palasyo ti Malacanang, imbaga ti Ukrainian President nga agkasapolan da ti mental health workers para kadagiti suldado ken defenders nga adda iti forefront ti krisis.
Iti biang ni President Ferdinand Marcos Jr., imbaga na iti Ukrainian leader , a nakasagana ti Pilipinas a tumulong babaen iti panagpatulod ti Filipino mental health workers.
Iti man-manu a gundaway, nagturong ditoy Pilipinas ni Ukrainian President Volodymyr Zelensky kas paset ti Asian trip na.
Kadwa ni Presidente Marcos ni Zelensky a naggapo idiay Singapore a dimmar-ay iti Shangri-La Dialogue.
Iti kangrunaan a ranta ti Ukranian President ket tapno awisen ni President Marcos Jr. a dumar-ay iti global peace summit a maisayangkat idiay Switzerland ita a tawen.
Iti news conference idiay Singapore idi Domingo, inakusaran ni Zelenskyy iti China a tul-tulonganna iti Russia a mang-diskaril iti Swiss-organized peace summit babaen iti panang-pressure iti dadduma a pagilian a saan nga umatendar.
Iti pagilian a Switzerland ti mang-host iti “Summit on Peace in Ukraine” inton June 15-16.
