Addaan ti pakabuklan a kinabaknang a P389 million ni Presidente Ferdinand Marcos Jr. kas maibasar iti inruar na nga Statement of Assets, Liabilities, and Net Worth sipud pay idi Disyembre 31, 2024.
Karaman a naisubmitir iti appraisal ti maysa a private firm a Cuervo Appraiser Inc. a nangitukon ti net worth nga P1.375 bilyon, P389.57 million kas maibasar iti alagaden ti Civil Service Commission, bayat nga P1.375-B iti nakabase iti gatad manipud iti appraisal ti Cuervo.
Paset ti assets ti presidente iti P142.026-M a gatad dagiti 21 a real estate property karaman ti agricultural ken residential land, kasta met iti personal pieces ti property nga agbalor ti P247.332-M.
Sumagmamano pay kadagiti personal a sanikua ni PBBM ket iti cash a P38.7-M, investment nga P134.192-M, alahas, 12 a lugan ken painting nga aggatad ti P247.332-M.
Maysa kadagiti lugan na iti Mercedez-Benz Maybach nga agbalor ti P10.5-M ken 126 paintings manipud iti nalatak a pintor ken iti kanginaan ket aggatad ti P19-M.
Aawan met iti indeklara ti presidente a liabilities manipud ti 2024 SALN. #
