Nakipamaysa ni Presidente Ferdinand “Bongbong” Marcos Jr. iti panagrambak ti pagilian iti National Heroes’ Day ken indauluan iti pangisagut ti sabong iti Libingan ng mga Bayani idiay Taguig City ita nga aldaw Agosto 31, 2026.
Iti mensahe na, inallukoy ti Presidente dagiti Pilipino a saan laeng a lagipen no di ket pagtalinaeden iti puso dagiti sakripisio dagiti bannuar ken ituloy iti panangbukel ti pagilian nga inlabanda.
Pinadayawan na met dagiti moderno a bannuar, karaman dagiti soldado, mannursuro, health workers, mannalon, mangngalap, overseas Filipinos ken dadduma pay nga agserserbi iti pada a tao.
Dimmar-ay met iti seremonia dagiti opisial ti gobierno ken dagiti beterano kas pannakipamaysa iti panagrambak kadagiti bannuar a nangidaton ti biagda para iti pagilian.###
