LA UNION – Tarigagayan ni Presidente Ferdinand Marcos Jr. nga awanen iti Pilipino nga agbisin, isunga kiniddawna iti whole-of-nation approach tapno mataming ti nadakamat a parikut.
Inaramid ti Presidente ti statement na kabayatan ti “Walang Gutom Awards” para kadagiti local government units a naka-aramid ti naisangsangayan nga addang tapno mataming ti problema ti panagbisiniti komunidad.
Kinunana a rumbeng nga agtitinnulong ti gobierno, pribado a sektor, non-profit organizations ken uray ti international community a mangtaming iti problema a panagbisin.
Iti Walang Gutom Award ket indaulwan ti Department of Social Welfare and Development (DSWD) ken Galing Pook Foundation, ket 17 nga LGUs ti napadayawan kas best performing Local Government Units (LGUs) iti pananglaban ti bisin ken malnutrisyon.
Maipalagip nga idi napan a tawen ket pinirmaan ni Presidente Marcos Jr. iti Executive Order No. 44 wenno ti Walang Gutom 2027: The Food Stamp Program kas maysa kadagiti kangrunaan a programa ti administrasyon ni Marcos.
