BR LA UNION – Inaklon ni Madagascar President Andry Rajoelina a naglibas a pimmanaw iti pagilian na, gaputi peligro ti biag na kalpasan a timpuar ti panag-rebelde ti militar.
Nupay kasta, iti inaramid na nga speech broadcast iti social media manipud iti saan nga ammo a lokasyon, saan na nga imbaga nga aglosolosen iti puwesto.
Maibasar iti report, pimmanaw ti presidente idiay Madagascar babaen ti French plane idi Domingo, Oktubre 12.
Timpuar ti Gen Z-led anti-government protests idi September 25, 2025 agingga a simmurot iti nasao a panag-protesta ti maysa nga elite military unit idi Sabado, tapno kiddawen iti Presidente ken dadduma pay a government ministers nga agebbat iti puwesto.
Adda pakainaiganna daytoy kadagiti isyu seknan iti panagkur-kurang iti supply ti danum ken kuryente, korapsiyon, saan a nasayaat a panangimaton ken kurang a basic services.
Iti Madagascar ket maysa nga African nation ken sigud a teritoryo ti Pransiya.
