Manamnama a ngumato iti presio dagiti sabong ita a bulan ti Pebrero, kasangwanan ti mapadpadaanan nga aldaw dagiti puso wenno ti Valentine’s Day.
Ngumato iti demand ti sabong gapu ta daytoy iti maysa kadagiti kangrunaan nga idatdatun dagiti a umili kadagiti ay-ayatenda ti biag.
Iti panagturong ti Bombo Radyo iti merkado publiko ditoy siyudad ti San Fernand, La Union, nakauman ti news team iti maysa kadagiti flower vendors.
Segun kenni Gerald Shandy Osay, ado dagiti sumangsangpet a supply ken 60% kadagitoy ket manipud siyudad ti Baguio, ngem gapu ti kinalam-ek sadiay ket marigatan dagiti rosas nga agukrad.
Presio dagiti sabong:
Rosas: 50-70 kada piraso
Stargazer: 350 kada piraso
Bouquet: 5,000 agpangato
Innayon na pay a posible a ngumato ti P30 agingga P50 iti presio dagiti sabong depende iti klase, ken para met kadagiti bouquet ket nakabasar iti customization a kayat ti gumatang.
Mensahe ni Osay kadagiti agin-innayat a gumatang ti nasapa tapno makalaka ken maliklikan a maibusan.###
