Inpanamnama ti Department of Trade & Industry Region 1 nga awan pay ti nagbaliwan iti presyo dagiti kangrunaan a gagatangen iti merkado.
Daytoy iti inpanamnama ni DTI Provincial Director Merlie Membrere iti pannakaiuman ti Bombo Radyo La Union kenkuana.
Segun kenni Membrere agtaltalinaed nga stable ti presyo dagiti kangrunaan a gagatangen iti laksid nga adda ngimmatuan na ti dadduma a magatang.
Impaganetget na pay a numan sumangsango ti krisis iti pagilian a Russia ken Ukraine ket saan pay met a makaapektar daytoy iti presyo dagiti magatang iti pagilian.
Impanmana pay ti nasao nga opisyal a dagiti maiyuman kadakuada a reklamo maipapan iti sobra a presyo ngem iti naituding nga Suggested Retail Prices (SRP) ket ipaayanda ti panawen nga mamonitor.
