LA UNION – Uray iti mismo nga aldaw ti Valentine’s Day idi kalman ket ngimmato iti presyo dagiti sabong iti flower sector ti public market ti San Fernando City, La Union.
Daytoy ti naamuan ti Bombo Radyo La Union kenni misis Anita, maysa a flower vendor ti syudad.
Ngimmato kuna na ti dadduma a presyo dagiti bulaklak agsipudta ngimmina met ti awatda kadagiti supplier a nagtaud pay idiay syudad ti Baguio.
Nupay kasta, adda dagiti immunan a reserba kadakuada.
Kabilang kadagiti sabong a ngimmina ti presyo na ket ti red rose a magatang ti P70.00 per piraso a sigud ket P25.00; white rose P80.00/piece, carnation, P250.00/bundle, stargazer. P400.00/stem, sunflower, P150.00/piraso, ken malaysian mums, P200.00/bundle.
Adda met dagiti magatang a bouquet manipud P100.00 agingga P1,200.00 depende ti kadakkel daytoy.
