LA UNION – Impasigurado ti Department of Agriculture (DA) a bumaban ti presyo dagiti nat-nateng a pakairamanan ti kamatis iti merkado ita a lawas, segun iti Department of Agriculture.
Inlawlawag ni Agriculture Spokesperson Arnel de Mesa, a ti panagngato ti presyo iti nat-nateng ken kamatis ket gapu iti naitantan a a panagapit kadagiti lugar ditoy pagilian, a nakaru a naapektaran iti El Niño ken iti naglabas a Bagyo Aghon.
Iti agdama, umab-abot pay laeng iti presyo ti kamatis ti P120 agingga P200 kada kilo, depende iti klase ken kadackel.
Uray iti presyo dagiti highland vegetables ket ngimmato, partikular iti carrots, bell pepper ken broccoli.
Nakanayon pay a makagapo iti panagngato ti presyo dagiti nat-nateng, iti ngumatngato a presyo dagiti produkto a petrolyo.
Imbaga ni De Mesa a mangrugin ti panagapit iti mula a nat-nateng dagiti mannalon idiay Southern Tagalog Region a namnamaen a mangguyod agpababa iti presyo dagiti agricultural products.
