BR LA UNION – Mabalin nga umabot ti agingga ₱114 kada litro iti diesel ita a lawas kalpasan ti dakkel a panagngato ti presyo ti langis.
Daytoy ket uray napagnunumwan ti sumagmamano nga oil companies a bingay-bingayen iti dakkel a panagngato ti presyo ti langis iti uneg ti sumagmamano nga aldaw.
Segun kenni Department of Energy (DOE) Sharon Garin, napagnumwan dagiti 3 a dadakkel a kompaniya ti langis nga ipatungpal ti dagdag-presyo iti uneg ti tallo nga aldaw, manipud Marso 17 agingga 19, bayat a dua nga aldaw met nga ipatungpal daytoy ti dua pay nga oil companies, manipud Marso 17 agingga 18 tapno saan a bigla ti epekto na kadagiti motorista.
Segun iti Energy Department, nu maipatungpal amin a kanayunan a presyo, mapatta-patta nga umabot iti ₱94 agingga ₱114 kada litro ti diesel idiay Metro Manila.
Kinuna pay ti DOE, nga ad-adalen ti gobyerno iti posibilidad a government-to-government transactions kadagiti pagilian a kas ti China ken Russia tapno makagatang ti krudo wenno finished petroleum products.
Nupay kasta, siniguro ti ahensya nga umdas ti suplay ti langis ditoy pagilian agingga agtapos ti bulan ti Abril, nupay posible a nangin-nginan to manen iti sumaruno a suplay para inton bulan ti Mayo.
Iti diesel ket napateg iti transportasyon ditoy Pilipinas agsipudta daytoy iti kangrunaan a maus-usar a fuel ti kaadwan a pampubliko a lugan, trucking ken cargo delivery.
Nu ngumina daytoy, marikna a dagus iti epekto na iti pamasahe, presyo dagiti gagatangen, ken pakabuklan nga ekonomiya ti pagilian.
